فن التعامل مع الناس ( الفصل الاول ) ج 1

كن أنت نفسك

ان اهم وأبسط القواعد التى يجب أن يتبعها اى إنسان يفتش عن النجاح هو أن يكون على طبيعته دون تكلف وان يخرج أفضل ما بداخله وهذه مجموعة من القصص تحكى نجاح هذه القاعدة.

قصص من الحياة

السيدة البدينة

تحكى السيدة (د) عن تجربتها فلقد كانت خجولة من مظهرها البدين وكانت والدتها تصر على ان تلبسها ملابس فضفاضة لتجنب السخرية.إلى أن تزوجت من رجل يتسم بالثقة بالنفس هو وجميع أفراد أسرته وظلت تخجل حتى من حضور المناسبات الاجتماعية إلى أن سمعت والدة زوجها تتكلم عن نصائحها لأبنائها بأن يكونوا على طبيعتهم وان هذا هو احد اسرار النجاح فى الحياة . ومن هذا اليوم بدأت السيدة البدينة في إعادة اكتشاف نفسها مرة اخرى وعرفت مواطن قوتهاها وضعفها. وبدأت تفهم فى تنسيق الألوان وتختار ما يناسبها من ملابس وتندمج مع عدد من الصديقات وصارت شخصية ناجحة والآن هى تعلم أولادها ان يكونوا على طبيعتهم.

المطربة ذات الأسنان الكبيرة

كانت هناك فتاة فقيرة تتمنى أن تصبح مطربة ولكن كانت لها أسنان أمامية بارزة تجعلها تشعر بالخجل. وفى أول مرة غنت أمام الجمهور حاولت أن تمط شفتها العليا لتغطى أسنانها فبدت مضحكة وفشلت تجربتها الاولى وكان من بين الحضور رجل لاحظ ذلك ونصحها آن تكون على طبيعتها وقال لها ربما تكون أسنانك الكبيرة هى سبب شهرتك وقد كان. وصارت هى المغنية الامريكي كاس دايلى المشهورة والمحبوبة من الجميع.

اهتم بأسماء الناس

ان اغلى ما يملكه الإنسان في هذه الدنيا هو اسمه فاحرص على ان تتعرف على الأسماء وتنادى من حولك باسمه وسوف تجد نتيجة مذهلة.

أنصت جيدا

ان اهم قواعد النجاح مع الناس هو ان تستمع جيدا وتفهم ماذا يقصدون ان فن الانصات هو احد اعظم الطرق من اجل اتصال فعال مع الآخرين وسنذكره بكثير من التفصيل لاحقا.

اقتباس :

النقطة دى انما بعتربها من أهم طرق التواصل مع الغير

وفعلا بجربها كتير جدا وبتعمل تأثيرات روعة جدااااااااااا

ولما حد يكلمنى بإسمى بقى سعيد جدااااااااااااا
وخصوصا الاسم اللى بحبه

لما أكلم حد بإسمه بيحس انى مش غريب عليه
وأنى ارعرفه من زمان

علشان كده لمجرد ما اعرف اسم اللى قدام

لازم أذكره قدامه

بتعمل جو تانى خالص

فى حد اعرفه وبحبه جدااااااااا
من يوم ما اتعرفنا ببعض

ازيك يا جميل
أخبارك ايه يا جميل

ده فى افتتاح الكلام
وبعدين تجنب نطق الاسم خالص
فى باقى الكلام بقى

استمر الحال ده
فترة طويله جدا

لغاية لأول مرة
اتقال
عمور

مش عمورة

فرحت جداااااااااااااااااااااااااااااااااااااااااااااااااااا

واتفقنا
انى علطول عمور

أى حد بيحب يسمع اسمه
ويتنادى بيه

معلش طولت عليكم

انا النقطة دى بقا اللى عاملة لى مشكلة

سبحان الله

زى ما تقول زهايمر وصابنى

مش بعرف ابدا احفظ اسماء

حتى اصحابى والله بنسى اسمائهم

وببقى ف نص هدومى

فبدارى الموقف ب

يا عسل او يا جميل وكدة

بس ببقى محرجة جدا

مش عارفة اعمل اية ف النقطة دى بجد

شوفى يا مرمر
من وجهة نظرى المواضعة

ان أسهل طريقة

انك بمجرد ما تتعرفى على واحدة
تستخدمى اسمها فى نفس اللحظة

وليكن مــــــرام اتعرفتى عليها
وطبعا اسمها صعب هتنسيه بسهوله جداااااااااا
زى أكيد نسياه حالا

شوفى يا مــــــرام
كذا كذا كذا

فى نفس اللحظة

خللى بالك فى حاجة تانية
لما أحس انى حد مش يعرف اسمى

انا بقول اسمى فى وسط الكلام

هو انا اى حد انا عمر
هتقول عمر قال

الخ

وهكذا

والله بستخدمة وكل حاجة

بس مثلا لما اغيب عنها شوية

متعرفش

بيتبخر وببقى محرجة جدااااااااااااا

بس هم عرفو كدة ومش عادو بيضايقو

طيب هقولك حاجة

فى التدريب السنة دى

المفروض اننا مش بندخل المستشفى الا بالكارنية

فاتفقت انا وزميلتى

اننا نروح بدرى شوية نجيبة

انا روحت ف معادى وهى اتاخرت

اتصلت بيا وقالت ادخلى للاستاذ مصطفى مثلا

وقولى لة عاوزين الكارنيهات علشان ننجز

انا يا دوب دخلت

والاسم اتنسى خالص

وروحت بقولهم عاوزة المسؤل عن الكارنيهات

طيب هو مين

انا قولت لة هو ابيض كدا وبيلبس بنص كوم

قالى كل اللى ف المستشفى كدا

عارف
اتصلت بيها تانى وكتبت الاسم

بس كنت عاملة زى بتوع ابتدائى الى بيدورو ع المدرسين ف اول يوم

وكنت بجد ف غاية الاحراج

ههههههههههههههههههههه

انتى عارفه

فى حاجة اسمها الرابط الذهنى

بمعنى

صحبتك قالت روحى هاتى الكارنيه من أ/ مصطفى

بس انتى مش فى دماغك الاسم

لكن لو ربطى الاسم من أول لحظة

الكارنيه يعنى مصطفى

وحطيتى الجملة دى فى دماغك

لمدة دقيقة بس

هتلاقى لما توصلى وتفتكرى الكارنيه
تفتكرى معاه مصطفى

مثال

استعملت الرابط الذعنى فى امتحان الترم الأول
كان امتحان لغة

كان فى كلمتين
مش عارف أفتكر معناهم ابدا

وحسيت بدام مش عارف افتكرهم
يبقوا هيجى فى الامتحان

أول كلمة كانت عدم المساواة
على ما افتكر

مسكت المسطرة وعى مشرشرة
وقلت المسطره مش متساوية

يعنى كذا ...

الكلمة الثانية

الحفاظ على حاجة

مسكت الموبايل القديم
اللى كنت مبهدله آخر حاجة

وقلت الموبايل ده محافظ عليه
يعنى كذا......

الكلام ده كان قبل الامتحان بساعات
بعد ما يئست

ودخلت اللجنة

وحطيت ادامى المسطرة والموبايل

ولقيت الكلمتين فى الورقة

كتبتهم علطوووووووووول

ممكن تكون الطريقة هبلة

بس ده علم

اربطى اى حاجة صعبة
بحاجة معينة

الدكتور ابراهيم الفقى كان بيدربنا عليها

وقال الأعداد من واحد لعشرة
وكل عدد ربطه بحاجة معينة

ولخبطنا الأعداد
وحفظناهم

4 تساوى كذا
7 تساوى كذا

طيب نقول من ورا
لا عشوائى

وهكذا

على ما اعتقد مـــــــرام كانت حاضرة
بس متأكد انها مش فاكرة اى حاجة

دى كانت دورة فى الذاكره

وعلى فكره
فادتنى جداااااااااااااااا
فى امتحانات الترم الأول

بدام رايحة تسئلى على حد ال مرة تسمعى اسمه

اربطيه بأى حاجة

حتى لو كيس شيبسى

اربطيه بى

بس تفكرى الاسم علطول

طولت كتير صح

وأخرتينى على النوم سيادتك

هقوم أتسحر ازاى بقه

؟؟؟؟؟؟؟

انا فعلا بعمل كدة

بس فى المناهج

يعنى لو حاجة صعبة

وخلاص مش قادرة افهمها او احفظها

اشبهها بحاجة تانية

ممكن افتكرها
وبتنجح

بس مع الاسماء

ابيييييييييييييييييييييييييييييييييض

ربنا يقوينى

دا انا لو اشتغلت وانا كدا

ان شاء الله

هطرد من تانى يوم

لا حاولى تعممى الطريقة دى
فى كل حاجة

وبدام انتى متعودة عليها
هتبقى سهلة جدا

وربنا معاكى

اقتباس :: دا انا لو اشتغلت وانا كدا

ان شاء الله

هطرد من تانى يوم

على أساس اننا عارفين نشتغل
ولا لاقين شغل
فانتى متعشمة اوى

ربنا معاكى

فن الانصات هو احد اعظم الطرق
انا شايفه انه شئ مهم جدااااااااا
والاهتمام بالاسماء مع الناس بتظهر مميزات شخصيتك وتكوني محبوبة بين الناس
عن تجربه
وانا ديما بحب كدة انى اقول الاسم حتى لما اتكلم عن اخواتى مش اقول اخويا واختى لا اقول مى ومحمد
يلا عرفتكم على العيله
وفعلا لاحظت على عمر كدة فى الكلام
بيكون كويس فعلا وليه تاثير كمان

على ما اعتقد مـــــــرام كانت حاضرة
بس متأكد انها مش فاكرة اى حاجة

مش عارف ليه ديما واخد فكرة غلط عنى
لا الحمد لله فاكرة
ولو تحب اشرحلك من اول حرف لاخر حرف اشرح

اقتباس :: مش عارف ليه ديما واخد فكرة غلط عنى
لا الحمد لله فاكرة
ولو تحب اشرحلك من اول حرف لاخر حرف اشرح

ليه بس يا مــــرام بتقولى كده

انا اقدر برده آخد فكره غلط عنك
انتى عارفة

مرام كتب:: فن الانصات هو احد اعظم الطرق
انا شايفه انه شئ مهم جدااااااااا
والاهتمام بالاسماء مع الناس بتظهر مميزات شخصيتك وتكوني محبوبة بين الناس
عن تجربه
وانا ديما بحب كدة انى اقول الاسم حتى لما اتكلم عن اخواتى مش اقول اخويا واختى لا اقول مى ومحمد
يلا عرفتكم على العيله
وفعلا لاحظت على عمر كدة فى الكلام
بيكون كويس فعلا وليه تاثير كمان

اولا تشرفنا بالعائلة الكريمة

ثانيا بجد ميرسى لردك

ثالثا بجد ادعولى انى مش انسى اسم حد

والله مسببة الحكاية دى ليا مشاكل

بالعبيط

» فن التعامل مع الناس( الفصل الاول ج2)
» فن التعامل مع الناس (( المقدمة))